الكمية تكفي : 2 فرد
وقت التحضير : 5 دقيقه
وقت الطهي : 5 دقيقه
المقادير : السكر

نسكافيه الكلاسيك
لبن
ماء مغلى
كاكاو او شيكولاته مبشوره

التحضير
فى طرق كتير لعمل النسكافيه بس دى اسهل طريقه واسرعهم وبتخلى طبقه الوش سميكه زى المحلات
هتجيبى المج بتاعك وتحطى فيه السكر والنسكافيه الكلاسيك حسب مزاجك
وتضيفى عليهم شويه ميه صغيرين ياااادوب تغطيهم اوعى تزودى وكمان لازم الميه تكون بارده مينفعش مغليه

الطهى
تجيبى مضرب البيض الكهربا وتركبى فيه دراع واحد فقططط
وتدخليه جوه المج وتضربى على اعلى سرعه لمده دقيقه هتلاقيه بالشكل ده
تضيفى عليهم اللبن والميه المغليه زى ما بتحبيه وتقلبى تقليبه بالراحه بالمعلقه
ورشى رشه واحده من الكاكاو على الوش او الشوكلاته المبشوره وممكن حبيبات نسكافيه

وهيديكى الشكل ده
واستمتعى بجمال الرغوه الى هتفضل معاكى لاخر رشفه فى الفنجان